Rrugët e Tiranës dhe të trajnerit Orges Shehi janë ndarë përfundimisht pas përfundimit të sezonit.
Pavarësisht bisedimeve mes palëve, nuk është arritur një marrëveshje për vazhdimin e bashkëpunimit.
Mësohet se mosdakordësitë kanë pasur të bëjnë kryesisht me aspektin financiar, por edhe me planet sportive dhe lëvizjet e parashikuara në merkaton e verës.
Shehi mori drejtimin e bardhebluve në një moment të vështirë dhe arriti të përmbushte objektivin kryesor, duke siguruar mbijetesën e ekipit në elitën e futbollit shqiptar. Megjithatë, palët kanë vendosur të mbyllin bashkëpunimin dhe të ndjekin rrugë të ndryshme për sezonin e ardhshëm.
Ndërkohë, trajneri durrsak nuk pritet të mbetet gjatë pa ekip. Në tavolinën e tij ndodhet një ofertë konkrete nga Prishtina, klub që synon të ndërtojë një projekt ambicioz dhe e sheh Shehin si kandidat të rëndësishëm për stolin teknik.
Top Channel
