Erdogan lexon Kuranin në Aja Sofia në ditën e rënies së Kostandinopojës/ Marshime, lutje dhe aktivitete në Turqi

Përvjetori i një prej ngjarjeve më të rëndësishme në historinë osmane dhe turke po shënohet këtë vit në të njëjtën periudhë me festën e Kurban Bajramit, duke i dhënë festimeve një simbolikë të veçantë.

Presidenti turk Recep Tayyip Erdoğan mori pjesë në lutjet e zhvilluara në Hagia Sophia, ku lexoi edhe fragmente nga Kurani. Pas ceremonisë, ai u ndal para gazetarëve dhe foli për rëndësinë historike të kësaj dite.

Cumhurbaşkanımız Sayın Recep Tayyip Erdoğan, cuma namazını Ayasofya-i Kebir Cami-i Şerifi'nde kıldı. pic.twitter.com/oFEnKSNADh

— AK Parti (@Akparti) May 29, 2026

“Sot është 29 maji. Patëm mundësinë të luteshim në Shën Sofi dhe pjesëmarrja ishte madhështore. Në këtë ditë, Mehmet Pushtuesi eci drejt Shën Sofisë dhe u lut këtu së bashku me popullin e Kostandinopojës. Kjo është diçka jashtëzakonisht e bukur”, deklaroi Erdogan.

Pas fjalës së tij, presidenti turk përshëndeti përfaqësuesit e medias dhe u ofroi ëmbëlsira tradicionale turke, duke shkëmbyer me ta edhe disa komente të shkurtra.

7’den 70’e on binlerce İstanbullu, Fetih Yürüyüşü’nde şanlı al bayrağımızın gölgesinde tek yürek oldu.🇹🇷

Valimiz Davut Gül, protokol mensupları ve çok sayıda vatandaşlarımızla birlikte; İstanbul’un Fethi’nin 573. yıl dönümünde, mehter marşları eşliğinde Beyazıt Meydanı’ndan… pic.twitter.com/Lbrfs0DCDd

— TC İstanbul Valiliği (@TC_istanbul) May 29, 2026

Një nga aktivitetet kryesore të ditës ishte edhe “Marshimi i Pushtimit”, i zhvilluar në Stamboll. Mijëra qytetarë marshuan nga Sheshi Beyazit drejt Shën Sofisë, duke mbajtur flamuj turq dhe simbole kombëtare. Procesioni u shoqërua nga banda tradicionale ushtarake osmane, duke rikrijuar atmosferën historike të ngjarjes.

Autoritetet lokale deklaruan se dhjetëra mijëra qytetarë morën pjesë në aktivitetet përkujtimore, ndërsa i pranishëm në marshim ishte edhe prefekti i Stambollit, Davut Gül.

Festimet do të vijojnë gjatë gjithë ditës me aktivitete të shumta kulturore dhe fetare. Programi përfshin një ceremoni të madhe në Qendrën e Kongreseve Haliç, në prani të presidentit Erdogan, me temën “Nga Rënia e Kostandinopojës te Pushtimi i Zemrave”.

Gjithashtu janë organizuar procesione me mehterë, koncerte, lexime të Kuranit, ceremoni fetare dhe rikrijime historike në rajone të ndryshme të vendit. Pjesë e programit është edhe një shfaqje ajrore nga skuadroni akrobatik turk SOLOTÜRK mbi zonën Yenikapı.

Përmes këtyre aktiviteteve, autoritetet turke vijojnë ta paraqesin Rënien e Kostandinopojës si një moment kyç të historisë kombëtare, duke ndërthurur elementë historikë, fetarë dhe patriotikë në përkujtimin e kësaj ngjarjeje.

Top Channel