Milan, revolucion edhe në fushën e lojës, Modric reflekton për të ardhmen, Leao shpreson në një shans të dytë

Leao dëshiron Milanin. Një prej futbollistëve më të përfolur në të gjithë sezonin është pikërisht Rafael Leao. Për portugezin ky sezon pritej të ishte ai i konfirmimit përfundimtar, por kjo nuk ndodhi pavarësisht 9 golave dhe asisteve të  dhënë. Përkundrazi, ishte ndoshta viti i krisjes përfundimtare të raporteve me botën e Milanit; në ndeshjet e fundit, Leao ka dalë nga fusha i shoqëruar nga fërshëllimat. Një reagim i tifozëve kuqezi që duket se po e shtyn atë larg Milanos. Për momentin ofertat per luzitanin janë nga Arabia e sidomos nga Turqia me Galatasaray dhe Fenerbahçe që po monitorojnë me vëmendje situatën e tij. Por Leao nuk lëkundet; nuk është i bindur nga ofertat e pasura që i kanë ardhur dhe do të donte të qëndronte te Milani për të rifituar zemrat e tifozëve të Milanit. Hapin e parë për riparimin e raportit e bëri përmes postimit të tij në Instagram: ‘Periudhë që më vendosi në provë. Shpresoj që Milan të mund të jetojë sërish momentet e lavdishme dhe te triumfojë në sezonin e ardhshëm’, ndoshta ende së bashku me një staf teknik që ta rivlerësojë. Kjo është shpresa e Leaos.

Modric mendon për tërheqjen. Ai që nuk përfundoi në bankën e të akuzuarve, por që gjithsesi është në dyshim për të qëndrimin e tij te Milani është Luka Modric. Moskualifikimi në Ligën e Kampioneve dhe tërmeti te klubi kuqezi kanë minuar siguritë e yllit kroat të futbollit. Ish fituesi i Topit të Artë do të donte edhe një vallëzim të fundit me fanelën e Milanit përkrah Allegrit dhe të ngjitej në skenën evropiane, kur ndërtoi legjendën e tij me trofetë e fituar me Realin e Madridit. Por ajo çfarë ndodhi  me Milanin ia prishi planet. Tani Luka Modric është totalisht i fokusuar te Botërori me Kroacinë, më pas do të marrë një vendim për të ardhmen dhe tërheqja nga futbolli është një opsion konkret. Ndoshta mund të qëndrojë në  botën e futbollit, por në një rol drejtues. Te Reali i Madridit po lind një projekt i ri ndoshta me Jose Mourinho dhe një legjendë e Los Blancos e kalibrit të kroatit është gjithnjë i mirëpritur në Bernabeu.

Top Channel