Tragjike në Rennes të Francës, 12-vjeçari gjendet i vdekur pranë një lumi, autori dyshohet të jetë një 16-vjeçar 25/05 13:33
Forcat Mbrojtëse të Izraelit kanë paralajmëruar një valë të re sulmesh në disa qytete dhe fshatra të Libanit jugor, duke rritur tensionet në një zonë tashmë të goditur nga konflikti.
Zëdhënësi i ushtrisë izraelite, Avichay Adraee, njoftoi se objektiva në jug të Libanit do të goditen si përgjigje ndaj shkeljeve të armëpushimit të atribuuara Hezbollah.
Adraee u bëri thirrje banorëve të disa zonave që të largohen menjëherë nga shtëpitë e tyre dhe të shmangin zonat e rrezikut në një distancë prej të paktën 1000 metrash. Sipas tij, çdo prani pranë objekteve ushtarake të Hezbollahut rrezikon jetën e civilëve.
Pavarësisht një armëpushimi të ndërmjetësuar nga SHBA, përplasjet mes Izraelit dhe Hezbollahut kanë vijuar në mënyrë sporadike, duke e mbajtur situatën të tensionuar në kufirin jugor të Libanit.
Konflikti i vazhdueshëm ka shkaktuar viktima të shumta dhe zhvendosjen e mbi një milion personave, ndërsa Libani po përballet me një krizë të thellë humanitare dhe të sigurisë.
Top Channel
