Inteligjenca gjermane ngrenë alarmin: Irani do të shtojë sulmet ndaj Evropës pas luftës 19/05 12:07
Shirat e rrëmbyeshëm kanë shkaktuar përmbytje të gjera në Kinën jugore dhe qendrore, duke lënë të paktën 10 persona të vdekur dhe duke paralizuar jetën në disa rajone të vendit.
Autoritetet kineze kanë raportuar dëme të konsiderueshme në infrastrukturë, ndërprerje të energjisë elektrike dhe probleme serioze në transport.
Administrata Meteorologjike e Kinës paralajmëroi se provincat Jiangxi, Anhui, Hubei dhe Guangxi ndodhen në rrezik të lartë për fatkeqësi natyrore, përfshirë rrëshqitje toke dhe përmbytje të menjëhershme.
Shimen County in China's Hunan Province issued a rainstorm red warning this morning. Past 6h rainfall hit ~165mm in Hupingshan & Suojie towns. With another 50mm+ expected, floods have trapped residents and submerged homes. pic.twitter.com/HmfZioF6mm
— Shanghai Daily (@shanghaidaily) May 18, 2026
Në qytetin Jingzhou të provincës Hubei, uji ka arritur deri në nivelin e gjunjëve në disa zona urbane, ndërsa banorët kanë raportuar situata të pazakonta, duke përfshirë edhe peshq që lëviznin në rrugët e përmbytura, sipas pamjeve të publikuara në rrjetin Douyin.
Sipas transmetuesit shtetëror CCTV, të paktën gjashtë persona humbën jetën kur një kamionçinë me 15 pasagjerë ra në një lumë të fryrë nga shirat në provincën Guangxi. Në një incident tjetër tragjik, tre persona u vranë nga përmbytje të menjëhershme në një fshat të Hubeit, ndërsa një tjetër viktimë u regjistrua në provincën Hunan.
Për shkak të situatës së rënduar, autoritetet kanë mbyllur shkolla dhe biznese, kanë pezulluar transportin publik dhe kanë evakuuar banorë në disa zona të prekura.
Qendra Kombëtare Meteorologjike e Kinës njoftoi se moti i keq pritet të zhvendoset gradualisht drejt lindjes dhe jugut gjatë ditëve në vijim, ndërsa ekipet e emergjencës vijojnë punën në terren për menaxhimin e situatës dhe ndihmën ndaj banorëve të prekur.
Top Channel
