Ndryshimet në ligjin për arsimin, pritet një tjetër reformë, ministrja Kumbaro: Ligji do të përshtatet sipas tregut të punës
13/05 19:51
Banorë të prekur nga projekti TID për rijetëzimin e qendrës historike të Durrësit u mblodhën sërish këtë të mërkurë para Bashkisë së qytetit, duke kërkuar sqarime dhe transparencë mbi ecurinë e zbatimit të projektit.
Edhe këtë herë ata kërkuan takim me kryetaren e bashkisë, por u pritën nga drejtuesja ligjore e institucionit, Alneida Rroshi. Pas takimit, përfaqësuesja e banorëve, Entela Koja, tha se sipas informacionit të marrë po kryhet një proces i plotë rishikimi i objekteve dhe verifikimi i statusit të tyre ligjor, përpara vijimit të procedurave për shpronësim apo ndryshim destinacioni të pronave.
Banorët shprehen se shqetësim mbetet mungesa e informacionit të detajuar dhe afateve konkrete, ndërsa kërkojnë informacion dhe nga Ministria e Kulturës që pritet të zbresë në terren për rivlerësimin e situatës së secilit objekt, pas kundërshtimeve të vazhdueshme të banorëve.
Projekti TID parashikon transformimin e qendrës historike të Durrësit, përfshirë zonën e amfiteatrit antik dhe bulevardin “Epidamn”. Sipas të dhënave, preken rreth 74 familje dhe pritet rishikim edhe i fondit të kompensimit për banorët.
Top Channel
