Nga Spanja raportojnë se Manchester City është i vendosur të firmosë me Vinicius Jr. Klubi anglez po fërkon duart mes kaosit te Real Madrid dhe dëshiron të nënshkruajë yllin 25-vjeçar brazilian, i cili ka edhe një vit të mbetur në kontratën e tij.
Ky është shansi i fundit i Florentino Perez për të përfituar nga Vinicius, i cili ka kërkuar të paguhet me të njëjtën pagë sa Mbappe për të qëndruar në Santiago Bernabeu .
Real Madridi dhe Vinicius Jr kanë qenë në negociata për një zgjatje të kontratës që nga vera e kaluar, por situata e paqëndrueshme e klubit e ka bërë sezonin një udhëtim të papritur edhe për të. Filloi keq për brazilianin, i cili u kritikua nga trajneri i ri Xabi Alonso për mosndjekjen e udhëzimeve të tij.
Ai më pas u përmirësua individualisht me ardhjen e Arbeloas në stolin e Real Madridit, dhe madje edhe fitorja kundër Manchester City dukej se rivendosi harmoninë midis klubit dhe lojtarit.
Megjithatë, fundi i sezonit po rezulton veçanërisht kritik për Real Madridin, i cili po vuan në të gjitha frontet, dhe në rinovimin e kontratës së Vinicius, aspekti financiar mund të mos jetë më faktori më i rëndësishëm. Vinicius kërkoi të paguhej njësoj sa Mbappe, diçka që Florentino Perez nuk dëshiron ta marrë në konsideratë.
Top Channel
