Inter, Marcus Thuram dhe foto që i bën homazh legjendës Kobe Bryant 04/05 11:25
Cristian Chivu ka arritur një sukses të jashtëzakonshëm, duke fituar Scudetton me Interin që në sezonin e tij të parë në pankinë.
Një triumf që në fillim u duk i pamundur për shumëkënd, pasi zgjedhja e tij për të zëvendësuar Simone Inzaghi u prit me skepticizëm.
Megjithatë, trajneri rumun arriti të transformojë një skuadër që shihej në vështirësi, duke e kthyer në kampione të Italisë. Chivu bëhet kështu ish-lojtari i dytë i Interit në 88 vite që fiton titullin si trajner i klubit zikaltër.
“Kam qenë edhe më parë pjesë e historisë së Interit dhe kam fituar disa gjëra,” u shpreh ai me humor, duke theksuar se merita kryesore i takon lojtarëve. “Ata përballuan zhgënjimet e sezonit të kaluar dhe kritikët që gjithmonë përpiqen të ulin vlerat e këtij ekipi. Ky është një moment i rëndësishëm për klubin.”
Chivu zbuloi edhe momentin kyç të sezonit: “Kur arritëm 14 fitore në 15 ndeshje, e kuptuam se mund ta fitonim titullin. Edhe pse kaluam momente të vështira, si eliminimi nga Champions League apo humbja në derbi, qëndruam të fokusuar dhe konkurrues.”
Sa i përket festës, tekniku theksoi se fokusi mbetet te finalja e Kupës së Italisë, ndërsa lojtarët meritojnë të shijojnë suksesin. Ai nënvizoi gjithashtu filozofinë e tij si trajner: “Jam përpjekur të jem empatik dhe njerëzor, pa menduar për gjykimet e jashtme. Ky profesion të vendos gjithmonë në provë, por duhet përballuar me buzëqeshje.”
Në fund, Chivu vlerësoi edhe stafin e tij, duke përmendur bashkëpunëtorët si Aleksandar Kolarov: “Ne besuam te rruga jonë dhe donim ta fitonim Scudetton duke luajtur mirë. Mendoj se ia dolëm.”
Top Channel
