Gykim masiv në El Salvador, 500 të pandehur akuzohen për mijëra krime 21/04 08:54
Një ngjarje e rëndë ka tronditur komunitetin në Herriman, pranë Salt Lake City, ku një grua 43-vjeçare me origjinë nga Venezuela u gjet e pajetë në banesën e saj, në atë që autoritetet po e hetojnë si një vrasje e ndjekur nga vetëvrasje.
Viktima, Linda Paola Zerpa Lara, u gjet e vdekur mbrëmjen e së premtes së bashku me një burrë 55-vjeçar. Sipas policisë, ajo është vrarë me një objekt të fortë, ndërsa burri dyshohet se i ka dhënë fund jetës së tij në të njëjtin vend.
Sipas të afërmve, 43-vjeçarja kishte planifikuar të takohej atë ditë me bashkëshortin e saj të larguar, me të cilin kishte një fëmijë 10-vjeçar. Fëmija nuk ndodhej në banesë në momentin e ngjarjes.
Zerpa Lara kishte emigruar në Utah rreth tetë vite më parë dhe kishte ndërtuar jetën e saj si sipërmarrëse, duke hapur një biznes spa në vitin 2022. Ajo ishte gjithashtu e angazhuar në komunitet, duke krijuar një organizatë mbështetëse për pacientët me kancer.
Miqtë dhe të njohurit e saj e përshkruajnë si një person pozitiv dhe të përkushtuar, ndërsa pas tragjedisë kanë bërë thirrje që gratë që përballen me dhunë në familje të kërkojnë ndihmë dhe të mos heshtin.
Autoritetet vijojnë hetimet për të zbardhur plotësisht rrethanat e kësaj ngjarjeje tragjike.
Top Channel
