Dy armëpushime dhe rihapja e Ngushticës së Hormuzit, BBC: A po nxiten shpresat për bisedime me Iranin? 17/04 18:08
Ditën e sotme pas shumë javësh u njoftua hapja e plotë e Ngushticës së Hormuzit, një zhvillim i cili u njoftua nga ministri i jashtëm iranian, Abbas Araghchi.
Ai u shpreh se kjo gjendje do të vijojë deri në fund të armëpushimit të vendosur.
Pas këtij zhvillimi ka reaguar presidenti amerikan, Donald Trump, i cili ka deklaruar se bllokada detare e vendosur nga SHBA-ja, do të vazhdojë.
“Teksa ngushtica është hapur tani, bllokada detare amerikane do të vazhdojë derisa një marrëveshje me Iranin të jetë 100% e përfunduar”, u shpreh ai.
Kreu i Shtëpisë së Bardhë ka theksuar gjithashtu se së shpejti do të arrihet një marrëveshje finale, teksa bisedimet mund të ndodhin këtë fundjavë.
Sakaq, armëpushimi 10-ditor i vendosur në Liban vijon të ketë polemika, me izraelitët, që akuzohen për shkelje të marrëveshjes.
Top Channel
