Ishte planifikuar në qershor, anulohet koncerti i Kanye West në Poloni

“Dëshirojmë t’ju informojmë se koncerti i Ye-së, i planifikuar për 19 qershor 2026 në stadiumin Slaski, nuk do të zhvillohet për arsye formale dhe ligjore”, tha drejtori i stadiumit Adam Stryszewski në një postim në Facebook.

Vendimi i Stadiumit Slaski në qytetin perëndimor të Chorzow, i raportuar për herë të parë nga gazeta Wyborcza në faqen e saj të internetit, vjen vetëm një javë pasi Britania e Madhe i ndaloi 48-vjeçarit të udhëtonte në vend për të performuar në një festival.

Kanye West’s June concert in Chorzów, Poland has been scrapped, after the country’s culture minister condemned the artist and argued his past antisemitic remarks should disqualify him from performing in a nation “scarred by the history of the Holocaust.” https://t.co/ozWBOvlyBk

— Ⓜ️Ⓜ️ Lauren Ashley Davis -OG Meidas Mighty 🦅 (@Meidas_LaurenA) April 17, 2026

Reperi, i njohur tani si Ye, nuk ka komentuar ende, por në janar ai kërkoi falje për sjelljen e tij, të cilën ia atribuoi çrregullimit të tij bipolar të patrajtuar, dhe tërhoqi deklaratat e mëparshme të admirimit për Adolf Hitlerin.

Autoritetet polake kishin paralajmëruar tashmë se do të kërkonin ndalimin e koncertit të planifikuar më 19 qershor.

“Në një vend të shënuar nga historia e Holokaustit, nuk mund të pretendojmë se kjo është thjesht argëtim”, tha dje ministrja polake e Kulturës, Marta Cieńkowska.

Më shumë se 1.1 milion njerëz, kryesisht hebrenj, u vranë në kampin e vdekjes Auschwitz në Poloninë e pushtuar nga nazistët gjatë Luftës së Dytë Botërore. Gjermania naziste vrau më shumë se 3 milionë nga popullsia hebraike prej 3.2 milionësh e Polonisë.

Ye-së iu ndalua hyrja në Australi vitin e kaluar pasi publikoi një këngë në mbështetje të nazizmit dhe reklamoi bluza me svastikë në faqen e tij të internetit.

Ai ka dhënë koncerte në SHBA dhe në Meksiko Siti këtë vit, me shfaqje të mëtejshme të planifikuara në Evropë dhe Azi.

Top Channel