Top Channel ka siguruar pamjet nga brenda apartamenteve që u shkrumbuan nga zjarri që përfshiu një pallat shumëkatësh përballë QSUT-së.
Nga pamjet e siguruara nga gazetarja Dorjana Bezat, shihet një apartament totalisht i djegur, ndërsa nuk ka shpëtuar asgjë nga flakët.
8 persona u asfiksuan nga tymi, mes tyre 6 zjarrfikës dhe 2 qytetarë. Ata u dërguan dje në spital për kujdes mjekësor, ndërsa mësohet se sot kanë lënë ambientet e spitalit pasi janë në gjendje të mirë shëndetësore.
Në ndihmë të forcave zjarrfikëse u angazhuan edhe 2 helikopterë Cougar, ndërsa operacioni për shuarjen e plotë të flakëve ka zgjatur për disa orë.
Në lidhje me zjarrin që dyshohet se janë përfshirë rreth 70 apartamente, ka reaguar edhe kryeministri Edi Rama, i cili ka deklaruar se pallati do të rindërtohet nga vetë ndërtuesi.
Top Channel
