Randal Kolo Muani nuk e ka larguar nga zemra Juventusin. Sulmuesi francez i Paris Saint Germain që është dhënë te Tottenham me huazim dëshiron kthimin përfundimtar në Torino pikërisht te Zonja e Vjetër.
Në muajin janar klubi torinez, edhe me kërkesë të Luciano Spallettit që e vlerëson futbollistin që nga koha kur ishte te Eintracht i Frankfurtit, tentoi që ta kthejë francezin në Serie A, por pa sukses.
Por pas pak muajsh, gjërat pritet të marrin drejtimin e duhur; futbollisti 27 vjeçar do të kthehet te Paris Saint Germain dhe Juventus do të bëjë gjithçka për ta rikthyer, këtë radhë përfundimisht me kërkesën e parizienëve që është 30 milionë euro.
Kolo Muani nga ana e tij nuk ka asnjë dyshim. Sipas ‘Tuttosport’, dëshira e tij për t’u kthyer te bardhezinjtë është kaq e madhe sa do të pranonte të vinte në Torino edhe në rast se Zonja e Vjetër nuk ia del të kualifikohet për në Ligën e Kampioneve sezonin e ardhshëm.
Top Channel
