Izraeli përgatitet për sulme ndaj objekteve energjetike iraniane, pret “dritën jeshile” 04/04 19:53
Partia Socialiste vendosi të mos ia dorëzojë SPAK ish zv.kryeministren Belinda Balluku.
Pak para votimit në seancë reagoi ambasada britanike e cila u shpreh se imuniteti nuk duhet të jetë pengesë për llogaridhënie të barabartë para ligjit.
Jashtë Kuvendit nga ana tjetër, opozita mbajti protestën e saj të radhës, ndërsa në një monitor gjigant po ndiqej çfarë po ndodhte brenda në sallën e Kuvendit.
Drejtori i komunikimit të Partisë Demokratike, Alfred Lela, u shpreh në “Top Story” se protesta e opozitës ishte e qetë, për t’i lënë ‘lajmin e zi’ vetë Ramës.
“Ne nuk kishim asnjë iluzion. Prej dy muajsh që zhvillohet kjo betejë e opozitës dhe kjo poshtërsi e mazhorancës, duke shtyrë afatet, duke manipuluar transparencën dhe të gjitha me radhë. Nuk duhej ndonjë profeci e madhe se ku do të shkonte Rama. Eksponentë të opozitës, kryetari i opozitës e kanë thënë dhe e kanë patur të qartë. Rama është vetë pjesë e kësaj buke që ka zënë. Nuk kishim e as nuk do kemi ndonjë iluzion se si do të sillet Rama. Nuk është lajm çka bëri Rama me Ballukun dhe me veten. Lajmi i vetëm është që Rama vendosi t’i bënte anti-fushatë fushatës së vetë.
Rama i muajve maj, prill dhe mars me pasaportë dhe dashuri për Europën dhe është ky Rama i ri që përkundër deklaratave të ambasadave kryesore dhe të rëndësishme të BE-së, Rama në kundërvënie. Hapat e tjerë të opozitës dihen. Sot, z.Berisha paralajmëroi protestën e radhës më 22 mars. 10 ditë më vonë, ju po e shihni që kjo tregon marshin e opozitës për të rezistuar pavarësisht asaj që po bën Rama. Edhe po të kishte qenë sjellje tjetër, opozita e ka betejën e targetuar dhe të fiksuar, me dorëheqjen e Ramës, me një qeveri teknike që garanton zgjedhje të lira në një periudhë të përcaktuar kohore.
Agjenda e opozitës nuk ndryshon me hënën e Ramës. Nuk është çështje pushteti tashmë, sepse duhet ta kuptojmë që sjellja e Ramës në këtë mënyrë nuk dëmton PD-në, por dëmton interesat vital dhe jetik të vendit.
Ne ndonjëherë turremi e themi Rumania dhe Bullgaria… Rumania është 20 e ca milionë popullsi. Do të ishte marrëzi nëse opozita do të bënte lajm sot. As me numra dhe as me molotovë. Ju e patë çfarë ndodhi. Lajmin e zi ia lamë Ramës. Të futej opozita me një lajm të zi dhe të nxirrte Ramën faqebardhë sot, do ishte çmenduri më vete”, tha ndër të tjera Lela.
Top Channel
