Ndërsa pritet ndezja e motorëve në pistën e Melbourne për sezonin e ri të Formula 1, në ambientet e këtij kampionati vazhdon të flitet për martesën e Charles Leclerc me Alexandra Saint Mleux të kryer javën e kaluar.
Dhe padyshim në konferencën e zakonshme për shtyp përpara nisjes së fundjavës australiane, nuk mund të mungonte pyetja klasike për Hamilton: ‘Çfarë dhurate i bëre Leclerc?’
‘Nuk jam martuar kurrë, kështu që nuk i dhashë asnjë këshillë-kështu e nisi përgjigjen e pyetjes, 7 herë kampioni i botës-nuk i kam bërë ende një dhuratë. Zakonisht marr shumë kohë kur bëhet fjala për dhurata të tillë, kështu që me shumë mundësi do t’ia jap dhuratën pas 6 muajsh’
Padyshim që do të vinte edhe përgjigja e Charles Leclerc duke bërë që të krijohet një atmosferë humori në sallë.
‘Një dhuratë dasme nga Lewis? Pas 6 muajsh do të jetë fundi i sezonit, kështu që një titull do të ishte diçka e bukur, por nuk jam i sigurt që se ai është i gatshëm të ma japë atë-ishte përgjigjja me tone shakaje e Leclerc ndaj shokut të tij të skuadrës.
‘Përsa i përket martesës, është një moment shumë i rëndësishëm i jetës sime dhe kam folur shkurtimisht edhe me Lewis-shtoi Leclerc-janë ato momente që shkojnë përtej garave, por që do të jenë mes momenteve më të rëndësishme të jetës sime. Kështu që është me të vërtetë speciale’.
Top Channel
