Spekulimet rreth Cristiano Ronaldos janë intensifikuar ndjeshëm, ndërsa e ardhmja e tij tek Al-Nassr duket gjithnjë e më e paqartë.
Sipas raportimeve të fundit, ylli portugez po shqyrton seriozisht një rikthim afatshkurtër në Premier League. Edhe pse Sporting CP mbetet opsioni më emocional për një rikthim në vendlindje, thuhet se prioriteti i Ronaldos është një aventurë e fundit në Angli, aty ku u shndërrua në një superyll botëror.
Portugezi ka lënë gjurmë të thella me dy periudhat e tij te Manchester United, fillimisht nën drejtimin e Sir Alex Ferguson, ku hodhi themelet e një karriere legjendare, dhe më pas me rikthimin në vitin 2021. Megjithatë, realiteti aktual është ndryshe. Në moshën 41-vjeçare, pak klube janë të gatshme të ndërtojnë projektin sportiv rreth tij, pavarësisht potencialit financiar të kampionatit anglez.
Emri i tij lidhet natyrshëm me klube si Manchester City dhe Chelsea FC, por çdo lëvizje do të kërkonte analizë të kujdesshme për balancën e skuadrës dhe strukturën e pagave. Një rikthim te Sporting do të ishte një mbyllje simbolike e rrethit, aty ku nisi gjithçka. Por para emocioneve, Ronaldo duket se synon edhe një herë skenën më të madhe të futbollit anglez.
Top Channel
