Një surprizë në formacionin titullar të Manchester Cityt për ndeshjen që po luan sot kundër Wolverhampton në stadiumin Etihad.
Pas dy humbjeve radhazi për Sky Blues kundër Manchester United (2-0) në Premier League dhe Bodo Glimt (3-1) në Ligën e Kampionëve, Pep Guardiola vendosi ta lërë golashënuesin e tij më të mirë, norvegjezin Erling Haaland, në stol. Në vend të tij, egjiptiani Omar Marmoush do të luajë në një rol nëntësh të rremë. Ky vendim ka nxitur thashethemet për një largim të mundshëm të sulmuesit, megjithëse gjithçka tregon se është thjesht për t’i dhënë atij një pushim gjatë një periudhe të ngjeshur të sezonit me shumë ndeshje në një periudhë të shkurtër.
Përtej qëndrimit në stol të ish-lojtarit të Borussia Dortmund, trajneri katalanas i dha Marc Guéhi -t debutimin e tij pasi transferimi i tij nga Crystal Palace u finalizua javën e kaluar. Ai gjithashtu e emëroi Antoine Semenyo-n në formacionin titullar, i cili është në formë të shkëlqyer dhe ishte një tjetër nga transferimet e mëdha të City-t në këtë afat kalimtar dimëror.
Rodri, pas përjashtimit të tij në mesjavë kundër Bodø-s, do të fillojë përsëri në pozicionin e mesfushës, së bashku me Reijnders dhe Bernardo Silva, me Cherki-n që lëviz lirshëm në vijën e sulmit. Dy zëvendësues të tjerë të shquar janë Phil Foden dhe Jeremy Doku.
Top Channel
