Alice Campello dhe Álvaro Morata nuk kanë bërë ende një deklaratë zyrtare lidhur me ndarjen e tyre, por fakte të reja vazhdojnë të konfirmojnë lajmet.
Pas ndalimit të mbajtjes së unazave të martesës dhe organizimit të kujdesit për fëmijët, ka dalë në dritë se futbollisti nuk jeton më në shtëpinë familjare.
Siç raporton revista “¡HOLA!”, Morata është zhvendosur në një banesë të re, vetëm disa hapa larg shtëpisë që ndante me Alice dhe katër fëmijët e tyre, në një zonë ekskluzive të Milanos.
Pavarësisht kësaj, marrëdhënia e tyre ka mbetur e përzemërt dhe e përqendruar në mirëqenien e fëmijëve, siç tregohet nga fotot ekskluzive të 9 janarit, kur ata bashkë festuan ditëlindjen e tretë të vajzës së tyre Bella. Edhe pse Krishtlindjet i kaluan të ndarë, Morata shkoi në shtëpinë e Alice për të marrë një nga binjakët, Leonardon, dhe udhëtoi me të për në shtëpinë e tij të re. Ky moment i veçantë u shoqërua me një gjest të pazakontë: sulmuesi ra në interfon, por nuk hyri në shtëpi, diçka që duket e çuditshme nëse ai do të kishte jetuar ende atje. Pas një pasditeje të kaluar së bashku për festën e ditëlindjes, ai u kthye në banesën e tij të re.
Morata dhe Alice kanë jetuar të ndarë për disa javë, dhe thashethemet rreth arsyeve të ndarjes së tyre vazhdojnë të qarkullojnë. Një prej tyre përfshin mundësinë e një pale të tretë, për të cilën Alice Campello reagoi duke e mohuar publikisht. Influencuesja i doli në mbrojtje Elena Sirigu, duke e quajtur atë një mikeshë të ngushtë dhe duke mohuar çdo përfshirje të mundshme të saj në këtë histori, duke theksuar se akuza të tilla mund të shkaktonin dëm të padrejtë dhe të thellë.
Të dy prindërit e fëmijëve të tyre kanë zgjedhur të mbajnë një marrëdhënie civile dhe të bashkëpunojnë për mirëqenien e tyre, pavarësisht largimit të tyre.
Top Channel
