Manchester United ka arritur një marrëveshje me Michael Carrick për të marrë drejtimin e klubit deri në fund të sezonit, njofton The Athletic.
Nëse gjithçka shkon sipas planit, Carrick do të debutojë në stolin e Djajve të Kuq në derbin kundër Manchester City të shtunën, më 17 janar, në Old Trafford.
Carrick, 44 vjeç, ka përvojë si trajner i përkohshëm te United, duke drejtuar ekipin për tre ndeshje pas shkarkimit të Ole Gunnar Solskjaer në 2021, me dy fitore dhe një barazim. Ai gjithashtu ka qenë pjesë e stafit teknik nën José Mourinho dhe Solskjaer që nga viti 2018.
Pas eksperiencës te United, Carrick drejtoi Middlesbrough në Championship midis 2022 dhe 2025, duke e çuar ekipin nga vendi i 21-të në vendin e 4-t në sezonin 2022-23 dhe më pas duke e përfunduar në vendin e 8-t dhe 10-t në sezonet pasardhëse.
Si lojtar, Carrick ka bërë 464 paraqitje për Manchester United gjatë 12 viteve, duke fituar pesë tituj kampionati anglez dhe një Ligë Kampionësh. Ai gjithashtu ka luajtur për West Ham dhe Tottenham.
Ky emërim vjen në një moment kyç për United, ndërsa klubi kërkon stabilitet në stolin pas largimeve dhe rezultateve të pasigurta këtë sezon.
Top Channel
