Pep Guardiola ka befasuar tifozët e Manchester City, por jo për ndonjë lëvizje taktike – trajneri ka pranuar publikisht se ka fituar disa kilogramë gjatë festave të Krishtlindjes.
Vetëm pak ditë më parë, Guardiola kishte paralajmëruar lojtarët e tij: kushdo që kthehej nga pushimet me mbi 3 kg më shumë, do të humbiste ndeshjen ndaj Nottingham Forest.
Megjithatë, rezultati i “testit të peshës” ka treguar një ironik twist: të gjithë lojtarët e City duket se e kanë kaluar testin, përveç vetë Pep-it. Në një postim në rrjetet sociale të klubit, ai ka pranuar: “Do të kem shtuar 4-5 kilogramë për shkak të ushqimit dhe alkoolit gjatë festave”
Pavarësisht kësaj, Guardiola nuk e ka lënë veten jashtë ndeshjes. Trajneri ka udhëhequr normalisht stërvitjen dhe do të jetë në pankinë kur City kërkon të sigurojë të shtatën fitore radhazi në të gjitha kompeticionet, me shpresën e një përparimi momental ndaj Arsenalit në Premier League.
Ironia e testit të peshës ka sjellë shumë reagime humoristike nga futbollistët. Erling Haaland postoi foto duke deklaruar me buzëqeshje se ishte “all good”, ndërsa Gigio Donnarumma reagoi me emoji të qeshura ndaj peshores së Haaland-it. Klubi dhe lojtarët ndanë video dhe momente të testit të peshës para Krishtlindjes, duke krijuar një atmosferë të lehtë dhe festive.
Edhe pse lista e lojtarëve të ftuar nuk publikohet përpara ndeshjes, duket se “skandali” kryesor ka mbetur te Guardiola, ndërsa skuadra është gati për sfidën ndaj Nottingham Forest.
Top Channel
