Gvozdenoviç e mbyll vitin 2025 i dyti me Elbasanin: Jam krenar për këta djem…
24/12/2025 20:45
Manchester United, për pankinën ‘hyn në skenë’ edhe De Zerbi 15/01 19:01
Trajneri i Elbasanit, Ivan Gvozdenoviç, e ka vlerësuar barazimin 1-1 ndaj Tiranës si një rezultat pozitiv, edhe pse përballë ishte skuadra e fundit e tabelës.
Ai theksoi se ekipi i tij ishte më afër fitores dhe tregoi përpjekje maksimale gjatë gjithë ndeshjes. “Sot ishim të gatshëm të bënim maksimumin. Përballë ishte Tirana, një emër i madh dhe një derbi i vërtetë. Nuk jam i kënaqur me një pikë, por jam krenar për djemtë, pasi kemi 33 pikë dhe vendi i dytë nuk është pak,” tha trajneri.
Gvozdenoviç shpjegoi se sfida ishte e vështirë për shkak të formacionit të Tiranës: “Ata luajtën me 10 lojtarë mbrapa, jo me 5, dhe nuk është e lehtë të gjesh rrugën e golit. Luajtëm me 3-4-3 dhe krijuam disa raste, sidomos me Diallo dhe Tsague. Në pjesën e dytë ishim më ofensivë, me Kasan që ndihmonte sulmin, dhe lëvizjet e stafit ishin të duhura.”
Ai shtoi se kampionati shqiptar është i fortë dhe çdo pikë ka rëndësi: “Kundër Bylisit asnjë ekip nuk fiton aty, as Dinamo, as Vllaznia. Nuk ka skuadra të lehta në kampionat, çdo javë është e vështirë dhe çdo pikë ka vlerë.”
Gvozdenoviç theksoi se skuadra po përpiqet të maksimizojë mundësitë, duke treguar agresivitet dhe përqendrim edhe kur kundërshtari mbyllet fort në mbrojtje.
Top Channel
