Në mëngjesin e 26 nëntorit të vitit 2019, Shqipëria u zgjua nga lëkundjet e forta të tërmetit që tronditi qindra familje.
Në atë tërmet humbën jetën 51 persona dhe mijëra të tjerë u plagosën.
Klubi i Teutës e ka kujtuar këtë ditë me anë të një postimi në rrjetet sociale, ku shkruan se kjo datë nuk është vetëm një kujtim, por një plagë e përbashkët e qytetit të Durrësit dhe i shpreh ngushëllim të gjithë familjeve që humbën të afërmit e tyre.
“26 Nëntor 2019 – një datë që nuk është vetëm kujtim, por plagë e përbashkët e qytetit tonë.
Në mes të dhimbjes, u bashkuam si familje. U ngritëm bashkë, u ndihmuam, u forcuam.
26 Nëntori do të mbetet gjithmonë një kujtesë e brishtësisë së jetës, por edhe e forcës së shpirtit durrsak.
Në këtë datë, KF Teuta nderon viktimat e tërmetit dhe shpreh mirënjohje për ata që ndihmuan, sakrifikuan dhe dhanë shpresë”, shkruan klubi i Teutës.
Top Channel
