Qazim Laçi bëhet protagonist për mirë dhe për keq në kampionatin turk të futbollit. Mesfushori i kombëtares shqiptare ishte titullar në fushën e lojës në ndeshjen mes Rizespor dhe Fenerbahce e fituar nga kjo e fundit me rezultatin 5-2.
Rizespori e nisi në mënyrë perfekte ndeshjen teksa në 15 minutat e para mori avantazhin e dyfishtë. Në minutën e 6 shënoi një njohje e vjetër e Superiores, ish sulmuesi i Skënderbeut, Ali Soue. Më pas në minutën e 15 ishte Laçi që hodhi firmën e tij që ekzekutoi në mënyrë perfekte një goditje dënimi të cilin Ederson e kishte të pamundur ta ndalte
Por në pjesën e dytë, gjërat ndryshuan totalisht pasi Fenerbahce barazoi 2-2, ndërkohë që Laçi në harkun e pak minutave u ndëshkua me 2 kartona të verdhë që u shndërruan në të kuq duke e lënë skuadrën e tij në inferioritet numerik. Dicka, që u shfrytëzua nga Fenerbahce që më pas mori frerët e lojës në dorë duke shënuar edhe 3 gola të tjerë për të fituar ndeshjen me rezultatin 5-2.
Shiko këtu golin e Laçit
Shiko këtu kartonin e kuq të Laçit
Top Channel
