Përleshje të dhunshme shpërthyen në qendër të qytetit vetëm pak minuta pas ndeshjes së basketbollit midis klubit emilian dhe atij izraelit.
Kokteje Molotovi dhe uji me presion kundër protestuesve, një ferr. Ishte pak pas orës 8:00 të mbrëmjes kur filloi lufta guerile në qoshen e Via Lame dhe Via Marconi. Marshimi, i cili kishte filluar në Piazza Maggiore për të protestuar ndeshjen Virtus-Maccabi të Euroligës, u përplas me kordonin e policisë për një kohë të gjatë. Po binte shi. Në orën 6:00 të mbrëmjes, rrugët e Bolonjës ishin ende të qeta. Marshimi pro-Palestinës kishte filluar të formohej në Piazza Maggiore. Përgjatë Via Riva Reno, njerëzit ende shëtisnin në paqe, duke kaluar pranë supermarketeve dhe bareve. Por vendosja masive e forcave të rendit, gati 500 policë, ishte pozicionuar sëbashku me furgonët dhe automjetet e blinduara. Dy unaza policie, një më larg PalaDozza-s, dhe një tjetër pak më afër. Dokumente, leje kalimi, kontrolle. Brenda zonës së kuqe, siç quhej, ndihej vetëm heshtje dhe tension. Përpara ferrit.
Numri i protestuesve është ende i paqartë, por vlerësimet fillestare nga stacioni i policisë e çojnë numrin në rreth 5,000-6,000, me të tjerë që iu bashkuan atyre gjatë marshimit. Kaosi filloi pikërisht në kryqëzimin e Via Lame dhe Via Marconi, që të çon në PalaDozza. Britmat “Palestina e Lirë” dhe “Ne jemi të gjithë antisionistë” e shtynë marshimin të nisej nga zemra e qytetit, duke mbërritur rreth orës 8:06 të mbrëmjes në cep të rrugës që të çon në Paladozza. Arena ishte tashmë pothuajse plot (por jo të gjithë me bileta). Ndërkohë, jashtë frilluan të hidheshin fishekzjarre, vezësh dhe boje drejt kordonit të policisë që bllokonte kalimin e marshimit që shërbeu si shkas për gjithçka tjetër. Prej andej, u përdor uji me presion ndaj aktivistëve pro-Palestinë. Pastaj erdhën fishekzjarre, bomba tymi dhe objekte të forta.
Grupi u nda më pas, disa drejt Piazza Malpighit, të tjerë drejt Ugo Bassi-t dhe Marconit. Disa nga protestuesit mbuluan fytyrat dhe çmontuan pjesë të kantiereve të ndërtimit përreth qytetit, të cilat do të përdoren për tramvajin e ri. Më pas ata mblodhën barriera, shkopinj druri dhe materiale të tjera për të filluar përleshjet. Shishe qelqi të hedhura drejt njësisë mobile të policisë bënë pjesën tjetër. U qëlluan edhe fishekzjarre, të drejtuara drejt oficerëve të policisë në lartësinë e gjoksit.
Top Channel
