Reshjet e dendura të shiut në vend/ Aksi Delvinë-Kardhiq në rrezik ekstrem, rruga mbulohet nga gurët
20/11 23:01
Belinda Balluku është pezulluar nga detyra si zv.kryeministre dhe Ministre e Infrastrukturës dhe Energjisë dhe i është bllokuar pasaporta duke mos u lejuar të largohet nga vendi sipas vendimit të Gjykatës së Posacme.
Ish-kreu i krimeve të rënda, Eugen Beci foli sot në ‘Top Story’ për pezullimin nga detyra të Ballukut, duke komentuar edhe vendimin e Prokurorisë dhe duke e cilësuar atë shumë korrekte.
“Arrijmë të kuptojmë që Prokuroria ka arritur në konkluzionin që ka bërë favorizimin e një firme me një firmë tjetër. Është interesante të kuptohet që Prokuroria e Posaçme e ka të pamundur të hetojë edhe tendera të tjera. Ne nuk do habitemi kur të zbulojmë shkeljet edhe ne tendera të tjera. Thellimi i hetimit jo vetëm për skemë e pastrimit të parave po Prokuroria po përpiqet të nxjerrë elementët objektiv dhe subjektiv, a është bërë shkelja për qejf dhe nder apo për përfitime materiale.
Këtu është përqendrimi i hetimit. Tani prokuroria është korrekte në marrjen e të pandehurës. I tha Ballukut sot e tutje ti je e pandehur. Kur e mori nuk pati asnjë masë sigurimi. Ne kuptojmë që Prokuroria ka dhënë një raport shumë të mirë. Ajo tha në Shqipëri s’jam vetëm unë është edhe KM dhe kryeministri. Prokuroria e Posaçme ia hodhi dorashkën kryeministrit. Kur e pa që të tjerët nuk reaguan ajo ndërhyri. E pezulloi nga detyra pa cenuar ligjin elektoral. Është pezulluar si ministre dhe zv. ministre por jo si deputete. Ajo s’mund të rrinte më duarkryq”, u shpreh Ish-kreu i Krimeve të Rënda, Eugen Beci.
Top Channel
