Me sa duket nuk ka dritë në fund të tunelit për sulmuesin tek i cili janë të gjithë sytë e shqiptarëve dhe jo vetëm, si udhëheqësi i sulmit kuqezi. Javë pas jave, prej më shumë se dy vitesh, situata e tij është shumë e komplikuar dhe aspak pozitive.
Transferimi i Armando Brojës nga Chelsea te Burnley gjatë merkatos verore u pa si “varkë shpëtimi” për shtatlartin e kombëtares sonë. Përveç problemeve fizike të 24-vjeçarit, tashmë ka një tjetër “pengesë” që mban emrin Scott Parker, trajneri i tij tek skuadra e re.
Tekniku i Burnley nuk i ka dhënë në asnjë rast 90 minuta të plota Brojës, ndërsa shqiptari ka marrë trajtën e një lojtari që nuk po ka shpresë të aktivizohet dhe të rigjejë formën e humbur te ekipi aktual, madje në ndeshje të caktuar nuk përzgjidhet as si zëvendësues.
Në raportimet e “Burnley Express”, qartësohet se Armando Broja nuk do të jetë as në ndeshjen ndaj Whest Ham si lojtarë i formacionit bazë, e planifikuar të zhvillohet të shtunën në orën 16:00. Deri në këtë pikë, Parker nuk ka dhënë një prononcim konkret pse shqiptarit nuk po i jepet mundësia për të treguar veten.
Top Channel
