Mbretëria e Bashkuar dërgon trupat ushtarake në Izrael, përforcohet monitorimi i armëpushimit në Gaza 21/10 22:19
Ish-presidenti francez Nicolas Sarkozy po mbahet në një qeli prej 9 metrash katrorë në të ashtuquajturin krah VIP të burgut La Santé në Paris, ku ka filluar të vuajë një dënim pesëvjeçar për financim të paligjshëm të fushatës zgjedhore të vitit 2007, i lidhur me regjimin e Muammar Gaddafit.
Qelia e tij është e pajisur me një shtrat, tavolinë, dush të vogël, tualet, dritare dhe televizor, për të cilin paguan 14 euro në muaj. Sarkozy ka gjithashtu një sobë elektrike, si dhe qasje në palestër dhe bibliotekë.
Burime pranë burgut bëjnë me dije se ai e ka dekoruar hapësirën me dhjetë fotografi personale, duke e bërë ambientin më të ngrohtë dhe më familjar.
Simbolika e librave që mori me vete
Sipas gazetës franceze Le Figaro, ish-presidenti mori me vete tre libra – numri maksimal i lejuar për të burgosurit. Ndër ta janë dy vëllime të “Kontit të Monte Kristos” të Alexandre Dumas dhe “Biografia e Jezusit” e Jean-Christian Petitfils.
Zgjedhja e Monte Kristos nuk është e rastësishme. Heroi i Dumas, Edmond Dantès, burgoset padrejtësisht dhe komploton hakmarrjen e tij — një histori që për shumëkënd pasqyron ndjesinë e Sarkozy-t, i cili vazhdon të këshillojë pafajësinë e vet.
Nga ana tjetër, Biografia e Jezusit është një qasja historike ndaj figurës së Krishtit, larg interpretimeve fetare — një zgjedhje që, sipas komentuesve, balancon simbolikën e hakmarrjes së Dumas me idenë e shpengimit dhe faljes.
I pari ish-president francez që përfundon në burg që nga Lufta e Dytë Botërore
Në moshën 70-vjeçare, Nicolas Sarkozy është ish-udhëheqësi i parë francez që burgoset që nga Marshall Philippe Pétain, i cili bashkëpunoi me nazistët gjatë Luftës së Dytë Botërore.
“Një njeri i pafajshëm po çohet në burg,” tha Sarkozy para se të dorëzohej tek autoritetet. Ai ka paraqitur një kërkesë për lirim të parakohshëm, por gjykatës mund t’u duhen deri në dy muaj për ta shqyrtuar.
Gjatë kësaj kohe, ish-presidenti pritet të shkruajë një libër të ri, ka thënë ai.
Burgu La Santé, i hapur që në shekullin e 19-të, është një nga institucionet më të vjetra dhe më të sigurta në Francë. Ai strehon të burgosur të profilit të lartë nën kushte të rrepta sigurie dhe ka pasur në radhët e tij emra të njohur, si Carlos “Çakalli”, i njohur për aktet e tij terroriste në vitet ’70.
FOTO GALERI
1/1
Ish-presidenti francez Nicolas Sarkozy po mbahet në një qeli prej 9 metrash katrorë në të ashtuquajturin krah VIP të burgut La Santé në Paris, ku ka filluar të vuajë një dënim pesëvjeçar për financim të paligjshëm të fushatës zgjedhore të vitit 2007, i lidhur me regjimin e Muammar Gaddafit.
Top Channel
