Shtëpia e Bardhë shpërthen ndaj Politico-s pas artikullit për të dërguarin special të Trump, Vance: Gazetari e dobët dhe operacion me ndikim të huaj 29/08 23:01
Presidenti francez Emmanuel Macron ka përsëritur sot se “e ardhmja e Ukrainës nuk mund të vendoset pa ukrainasit”, vetëm pak ditë para samitit të shumëpritur mes Presidentit amerikan Donald Trump dhe homologut të tij rus Vladimir Putin, që do të zhvillohet më 15 gusht në Alaska.
Përmes një postimi në platformën X, Macron tha se kishte zhvilluar një bisedë telefonike me presidentin ukrainas Volodymyr Zelensky, me fokus situatën diplomatike përpara takimit dypalësh SHBA-Rusi që synon t’i japë fund luftës në Ukrainë.
“Edhe evropianët duhet të jenë pjesë e zgjidhjes, sepse siguria e tyre është në rrezik”, shkroi Macron, duke bërë të ditur se kishte biseduar gjithashtu me kancelarin gjerman Friedrich Merz dhe kryeministrin britanik Keir Starmer.
Nga ana tjetër, presidenti Zelensky konfirmoi gjithashtu bisedën me homologun francez përmes një postimi në Telegram. Ai theksoi rëndësinë e transparencës ndërkombëtare përballë diplomacisë ruse.
“Shkëmbyem pikëpamjet tona mbi situatën diplomatike. Është me të vërtetë e rëndësishme që rusët të mos arrijnë të mashtrojnë askënd përsëri”, shkroi Zelensky.
Samiti mes Trump dhe Putin në Alaska pritet të jetë një nga takimet më të rëndësishme diplomatike të vitit, me vëmendjen e përqendruar te konflikti në Ukrainë dhe çështjet territoriale të mbetura pezull.
Top Channel
