Pas Tiranës do rinumërohet edhe Fieri! KAS vendos hapjen e të gjitha kutive 09/06 12:55
Festivali i Filmit në Taormina do t’i japë Monica Bellucci-t një çmim të veçantë për të shënuar 25-vjetorin e dramës ” Malena ” të Giuseppe Tornatore -s më vonë këtë muaj.
Ceremonia e ndarjes së çmimeve do të zhvillohet në Teatrin ikonik të Lashtë të Taorminës, e ndjekur nga një shfaqje speciale e filmit.
Posteri zyrtar për festivalin e vitit 2025 i kushtohet filmit të famshëm. Aktorja 60-vjeçare u bë e njohur ndërkombëtarisht për interpretimin e rolit kryesor. Drama romantike e vitit 2000, e vendosur gjatë Luftës së Dytë Botërore, tregon historinë e “një gruaje mbresëlënëse që jeton vetëm në një qytet të vogël siçilian. Kur burri i saj vritet në luftë, Malena e ve bëhet shënjestër e thashethemeve dashakeqe, si nga burrat që e dëshirojnë atë ashtu edhe nga gratë që e kanë zili”.
Taormina To Fete Monica Bellucci With Special Award To Mark ‘Malèna’ 25th Anniversary Award https://t.co/cv0SxzfH3e
— Deadline (@DEADLINE) June 5, 2025
“Jemi të nderuar të mirëpresim Monica Bellucci-n, një nga performueset më të dashura dhe përfaqësuese të kinemasë sonë”, tha Tiziana Rocca, drejtoreshë artistike e Festivalit, në një deklaratë.
“Talenti dhe eleganca e saj kanë lënë një gjurmë të thellë në veprat që kanë bërë histori dhe 25-vjetori i “Malena” është mundësia e përsosur për ta nderuar atë me ngrohtësinë e publikut të Taorminës që do të jetë vendi ideal për këtë homazh të paharrueshëm”, shtoi ajo.
Festivali i famshëm është mbajtur që nga mesi i viteve 1950 në hijen e Etna-n. Sipas Deadline, Festivali i 71-të i Filmit në Taormina do të zhvillohet nga 10 deri më 14 qershor.
Top Channel
