“Blackout” në Spanjë, kryeministri Sanchez: Nuk ka informacione përfundimtare për sulm terrorist! 29/04 14:09
Kryeministri Edi Rama iu përgjigj komentit të një qytetari në rrjetet sociale, që i kërkonte të mos garonte më për një mandat tjetër në krye të qeverisë.
“A nuk u mërzite 12 vite, s’ke çfarë të bësh më shumë, më mirë mbylle me faqe të bardhë”, ishte komenti i qytetarit.
Rama u përgjigj se vazhdon “të ketë zjarrin brenda vetes” për të bërë këtë detyrë që e cilëson mision dhe përgjegjësi, ndërsa pjesa tjetër, shtoi ai, është në dorë të zgjedhësve.
“Nuk është çështje gëzimi apo mërzie, është çështje misioni dhe përgjegjësie. Do të thotë që kemi ende një rrugë për të bërë drejt finishit. Jemi afër finishit, por nuk jemi në finish. Rruga drejt finishit është mandati i katërt për të anëtarësuar Shqipërinë në BE. Mund t’ju mbaj këtu deri nesër për të thënë sa gjëra kemi bërë dhe sa shumë kemi ende për të bërë.
Ka dy mënyra për t’u larguar. Një kryeministër në një vend demokratik, një mënyrë është kur nuk ndien me zjarrin tjetrin, që mua nuk më ka ndodhur ende dhe tjetra kur njerëzit thonë hap krahun se duhet të vijë dikush tjetër. Jam këtu për të bërë bashkë me të gjithë ata që punojnë m mua historinë e këtij vendi. Historia është në dorën tonë”, tha kryeministri.
Top Channel
