Analiza e DW: Nga duhet të vijnë paratë për mbrojtjen e Evropës? 15/04 08:18
Kryeministri izraelit Benjamin Netanyahu tha se presidenti francez Emmanuel Macron po bën një “gabim serioz” duke promovuar idenë e një shteti palestinez, ndërsa dënoi sjelljen e djalit të tij, Yair, i cili ofendoi presidentin francez në Twitter.
“Presidenti Macron po bën një gabim të rëndë duke vazhduar të promovojë idenë e një shteti palestinez në qendër të tokës sonë, një shtet, aspirata e vetme e të cilit është shkatërrimi i Izraelit”, shkroi Netanyahu në platformën e mediave sociale X, duke reaguar ndaj deklaratave të fundit të kreut të shtetit francez.
Kryeministri izraelit dënoi gjithashtu atë që tha djali i tij, Yair, i cili ofendoi Emmanuel Macron në një postim në Tëitter. “Unë e dua djalin tim Yair, që kujdeset për të ardhmen e vendit. Ashtu si çdo qytetar, ai ka të drejtën e mendimit të tij personal, edhe pse toni i përgjigjes së tij ndaj postimit të presidentit Macron që bën thirrje për krijimin e një shteti palestinez është i papranueshëm për mua,” shkroi Benjamin Netanyahu.
Më tej ai shtoi “Ne nuk do të rrezikojmë ekzistencën tonë për shkak të iluzioneve që nuk janë të lidhura me realitetin dhe nuk do të pranojmë predikime morale për krijimin e një shteti palestinez që do të rrezikonte ekzistencën e Izraelit, nga ata që kundërshtojnë pavarësinë e Korsikës, Kaledonisë së Re, Guinesë Franceze dhe territoreve të tjera, pavarësia e të cilëve nuk do të rrezikonte Francën”.
Top Channel
