Një ‘fole’ prostitucioni u zbulua në zonën e Plazhit në Durrës.
Banesa, ku ushtrohej aktiviteti i paligjshëm i prostitucionit ishte marrë me qira nga dy shtetase kineze, 41-vjeçarja me iniciale X.X. dhe 54-vjeçarja me iniciale R.W.
Sipas hetimeve, rezulton se një grup i strukturuar kriminal në përbërjen e të cilit janë shtetas kinezë, rekrutojnë shtetase kineze në Kinë dhe më pas i dërgojnë në drejtim të Shqipërisë për kryerjen e aktivitetit kriminal të prostitucionit, ku u sigurojnë apartamente me qira për kryerjen e aktivitetit kriminal dhe pasi sigurojnë klientet nëpërmjet faqeve online i dërgojnë klientit vendndodhjen, njofton policia.
Uniformat blu kanë ndaluar dhe vënë nën hetim gjashtë shqiptarë, që u gjetën në banesë.
Në cilësinë e provës materiale u sekuestruan shuma parash të përfituara nga prostitucioni, 3 celularë, 2 pasaporta dhe sende të tjera.
Top Channel
