SHBA-ja goditet nga moti i keq, stuhitë e fuqishme shkaktojnë viktima dhe shkatërrime 05/03 23:23
Një ish-ushtarak i cili vrau gruan dhe vajzat e gazetarit të BBC 5 Live, John Hunt, abuzoi seksualisht me njërën prej vajzave para se ta ekzekutonte me hark në 9 korrik të vitit të kaluar.
Kyle Clifford, 26 vjeç, qëlloi për vdekje ish-partneren e tij Louise, 25 vjeç, dhe motrën e saj Hannah, 28 vjeç, me një hark,
Kurse për vrasjen e gruas Carol, 61 vjeç, ai përdori një thikë, ndërsa ndodheshin në shtëpinë e tyre në Bushey, Hertfordshire, sipas The Times.
Fillimisht ai gjeti në banesë gruan dhe ish partneren. Në momentin që motra tjetër hyri në banesë dhe pa ato të shtrira i dërgoi mesazh partnerit të saj, Alex Klein, duke i thënë atij që të “thërriste policinë … menjëherë. tek e imja. Tani. Kyle këtu. Policia tani. Ai po na lidh.”
Alison Morgan KC tha se Clifford, vëllai i të cilit është në burg, ishte zemëruar me familjen pasi Louise u nda me të dhe se familjarët e kishin këshilluar që ta linte.
Louise
Ajo tha se pas ndarjes më 26 qershor, Clifford kishte blerë “armë dhe pajisje për një sulm që ai synonte të përfshinte vrasjen e më shumë se një personi dhe do të përfshinte dhe përdhunimin e Louise Hunt”.
Morgan tha: “Planifikimi i të pandehurit filloi menjëherë pasi Louise Hunt dërgoi mesazhe duke i dhënë fund marrëdhënies së tyre.
“Sulmi ishte planifikuar dhe ekzekutuar me kujdes, duke përfshirë mashtrimin e nënës së Louise, Carol Hunt, me qëllim që të kishte akses në shtëpinë e familjes, e ndjekur nga një sulm brutal me thikë ndaj Carol Hunt.
“I pandehuri më pas priti që Louise Hunt të hynte në pronë, përpara se ta përdhunonte dhe në fund ta vriste me një hark.
“Ai më pas vrau motrën e Louise Hannah Hunt me të njëjtin hark, kur ajo u kthye në banesë pas punës.”
Clifford u gjet me lëndime të nesërmen, pas një kërkimi për 22 orë, në varrezat e zonës.
Ai u dërgua në spital dhe arriti t’i mbijetonte plagëve.
Jurisë iu tha se dyshja ishin takuar me njëri-tjetrin për 18 muaj pas komunikimit në internet.
Kyle Clifford
Louise u kishte thënë miqve se ai ishte mosrespektues, i vrazhdë e arrogant” dhe shpresonte se marrëdhënia do të përfundonte.
Ajo kishte bërë një shënim në telefonin e saj pesë ditë para vrasjeve, të titulluar “Kur je e trishtuar, shiko”, ku thuhej se Clifford ishte “racist”, “nuk i pëlqente njerëzit transgjinorë” dhe kishte përdorur “gjuhë nënçmuese”, iu tha gjykatës.
Ajo shkroi se Clifford kishte vizituar vëllain e tij, i cili ishte në burg.
Morgan tha se në ditët para sulmit, Clifford kishte kërkuar në internet se si të blinte një hark dhe kishte akses në pornografi, duke përfshirë kërkimin e një videoje të ish-oficeres së burgut.
Ai kishte në telefon edhe një letër vetëvrasjeje drejtuar familjes së tij. Gjatë dy javëve në vijim ai bleu 30 metra litar, kanaçe benzine, shirit ngjitës, një hark dhe pistoletë në internet.
Jurisë iu tha se i pandehuri tani është i paralizuar nga gjoksi e poshtë, pasi qëlloi veten me hark pas vrasjes së trefishtë.
Clifford, i cili ka refuzuar të marrë pjesë në gjyq, është deklaruar fajtor për tre vrasjet, si dhe për rrëmbimin e Louise dhe dy akuza për posedim të armëve. Ai e mohon përdhunimin e ish të dashurës.
Top Channel
