“Jeni penduar dhe doni t’a vrisni këtë proces”, PS-opozitës për votën e diasporës: Jemi dakordësuar për ndryshimet në kod! 30/01 21:16
Kryetarja e kuvendit Elisa Spiropali së bashku me Genc Gjoncaj sekretar i përgjithshëm, i prezantuan ambasadorëve të akredituar në Tiranë Planin e Ri Strategjik të Kuvendit 2025-2030.
“Plani i ri Strategjik për pesë vitet e ardhshme do të fokusohet në rritjen e kontributit të Kuvendit për anëtarësimin e Shqipërisë në Bashkimin Europian, kontrollin parlamentar dhe monitorimin e veprimtarisë së Qeverisë e institucioneve të pavarura. Synimi ynë është të forcojmë edhe më tej funksionet tona; legjislativ, mbikëqyrës dhe përfaqësues. Do të angazhohemi që të sigurojmë një mbikëqyrje të gjithanshme dhe efektive të qeverisjes”, tha Spiropali.
Në Bashkimin Europian tha më tej kryetarja e kuvendit nuk do të anëtarësohet as Qeveria, as Kuvendi dhe as institucionet, por Shqipëria, si një e tërë, prandaj parlamenti duhet të marrë një rol parësor në këtë proces.
“Anëtarësimi i Shqipërisë në Bashkimin Europian brenda vitit 2030 është një objektiv ambicioz, por tërësisht i realizueshëm, nëse mbajmë parasysh shpejtësinë e këtij procesi dhe thellësinë e reformave, masave e veprimeve që kemi ndërmarrë gjatë kohëve të fundit, si mbajtja e mbledhjes së dytë dhe të tretë ndërqeveritare Shqipëri-BE dhe çelja e negociatave për grup-kapitujt I-Themelorët dhe VI-Politika e Jashtme etj. Strategjia e Kuvendit 2025-2030 është një pjesë e masave tona për arritjen e këtij objektivi”, shtoi ajo.
Për ne theksoi kryetarja e kuvendit Elisa Spiropali, ky plan nuk është thjesht një dokument; është angazhimi ynë për të ardhmen e përbashkët. Një angazhim që do të jetë i mundur vetëm me bashkëpunimin të vazhdueshëm me partnerët e Shqipërisë.
Top Channel
