Ndalimi i TikTok në SHBA, Trump ofron opsione: Po konsiderojmë një zgjatje me 3 muaj të afatit 18/01 20:59
Komisioni Qendror i Zgjedhjeve nuk ka lejuar ambasadorin tonë në Shtetet e Bashkuara të Amerikës, Ervin Bushati të marrë pjesë të hënën në ceremoninë inauguruese të Presidentit Trump.
Mësohet se ministria e jashtme ka raportuar pranë Komisionit Qendror të Zgjedhjeve aktivitetin e ambasadorit, sipas detyrimit që kanë institucionet për të spostuar çdo aktivitet në periudhë parazgjedhore 11 janar-11 maj.
Por KQZ-ja e ka ndaluar aktivitetin për shkak se sistemi i ngritur online përpara zgjedhjeve ka “ngritur flamurin e kuq” për ambasadorin shqiptar.
Sipas detyrimit që kanë institucionet shtetërore, raportimi duhet bërë 5 ditë përpara aktivitetit dhe jo 3 ditë siç ka ndodhur në rastin e ambasadorit.
Por më pas Komisioneri Celibashi e ka lejuar pjesëmarrjen e Ambasadorit.
“Ndërfaqja e raportimeve të veprimtarive publike e ndalon automatikisht një veprimtari e cila raportohet në më pak se 5 ditë përpara datës së zhvillimit të saj.
Kështu ka ndodhur me rastin e raportimit të disa veprimtarive të Ministrisë për Europën dhe Punët e Jashtme.
Me vendim të Komisionerit, konsideruar rrethanën justifikuese të mos respektimit të afatit 5 ditor, veprimtaria është lejuar”, thuhet në njoftimin e KQZ.
Top Channel
