Rekrutoi njerëz online për të përdhunuar gruan e tij dhe e drogoi atë, francezi dënohet me 20 vite burg në Francë! Shpallen fajtorë edhe 50 burra të tjerë

Prokurorët kërkuan që ai të merrte dënimin maksimal pasi ai pranoi se, për gati një dekadë, kishte droguar gruan e tij të 50 viteve martesë në mënyrë që ai dhe të huaj të rekrutuar online të abuzonin me të ndërsa ai filmonte sulmet.

Pesëdhjetë burra, përveç Dominique Pelicot, janë në gjyq, duke përfshirë një që nuk përdhunoi Gisele Pelicot, por abuzoi në mënyrë të përsëritur me gruan e tij me ndihmën e Dominique Pelicot.

Paneli prej pesë gjyqtarësh ka shpallur fajtorë të gjithë 51 burrat në gjyq, raporton Reuters.

Pesëdhjetë burra të tjerë u akuzuan së bashku me Dominique Pelicot, shumica prej të cilëve i mohuan akuzat. Gjykata franceze shpalli fajtorë 46 prej tyre për përdhunim, dy për tentativë përdhunimi dhe dy për sulm seksual.

Një burrë është në arrati dhe po gjykohet në mungesë.

Gjyqtari kryesues i tha gjykatës se dënimi do të shpallej pasi të ishin dhënë të gjitha vendimet.

Top Channel