Inside Story/ Tragjedia e Martinit, zbulohet dosja hetimore! Ja dinamika dhe personat e përfshirë në konflikt 04/12 21:22
Pas më shumë se 6 muajsh që nga ndeshja e tij e fundit zyrtare, që rezulton ajo mes Shqipërisë dhe Spanjës në Europianin “Gjermani 2024”, Armando Broja duket se është sërish gati që të rikthehet në fushë.
Kësaj radhe, ai pritet të debutojë me Everton, skuadër në të cilën kaloi në fund të merkatos si i huazuar nga Chelsea.
Për shkak të një dëmtimi të marrë në stërvitje me “Blutë” e Londrës, sulmuesi i Kombëtares shqiptare e kishte të pamundur që të aktivizohej me Everton. Gjithsesi, pas dy sfidave të luajtura me skuadrën U-21, trajneri Sean Dyche ka pranuar që në takimin e radhës me Wolverhampton, Broja do të jetë pjesë e skuadrës.
“Broja padyshim do të jetë pjesë. Chermiti nuk është gati. Ai po stërvitet shumë por ka nevojë për një program të zgjeruar ndeshjesh. Por Broja duhet të jetë pjesë”, tha numri një i pankinës së Everton, duke lënë të kuptohet se do të ketë minuta për 23-vjeçarin kuqezi.
Top Channel
