Ministri i Punëve të Brendshme në Kosovë, Xhelal Sveçla nga vendi ku ndodhi shpërthimi në kanalin Ibër-Lepenc, tha se sipas ekspertëve është përdorur diku rreth 15 kilogramë eksploziv.
Ministri e ka quajtur aktin terrorist, ku u dëmtua seriozisht një pjesë e kanalit të Ibër- Lepencit.
“Një pjesë e kanalit të Ibër-Lepencit u dëmtua seriozisht, nuk dihet ende saktësisht për eksplozivin, por sipas eksperteve të policisë, flitet diku për rreth 15 kg eksploziv”, tha ai.
Sveçla tha se qëllimi i këtij sulmi është destabilizimi i vendit.
Për ngjarjen kanë reaguar edhe SHBA, BE dhe EULEX-i, duke kërkuar që autorët e këtij akti të kapen dhe të nxirren para drejtësisë.
Gjatë dy ditëve të fundit në veri të vendit, respektivisht në Zveçan, janë sulmuar me granata dore objektet e stacionit policor dhe ai i Komunës.
Top Channel
