Më pak se një muaj para se të rikthehet në Shtëpinë e Bardhë, ja emrat e rinj të Trump për administratën 23/12 22:18
Ish-deputeti i GOP Matt Gaetz është tërhequr nga kandidimi si prokuror i përgjithshëm i Presidentit të zgjedhur Donald Trump.
Lajmin e njoftoi në një postim të bërë në rrjetin X. Ish-deputeti i Floridës tha se ai e mori vendimin pas takimit me senatorët të mërkurën.
“Ndërsa momenti ishte i fortë, është e qartë se konfirmimi im po bëhej padrejtësisht një shpërqendrim për punën kritike të Tranzicionit Trump/Vance”, shkroi Gaetz.
“Nuk ka kohë për të humbur në një përleshje të zgjatur në mënyrë të panevojshme në Uashington, kështu që unë do ta tërheq emrin tim nga shqyrtimi për të shërbyer si Prokuror i Përgjithshëm”, tha ai.
Zgjedhja e Gaetz nga Trump u vu nën një shqyrtim të ashpër, ndërsa Komiteti i Etikës i Dhomës së Përfaqësuesve peshoi publikimin e një raporti mbi akuzat për keqbërje, duke përfshirë “sjelljen e abuzive seksuale dhe përdorimin e paligjshëm të drogës” nga Gaetz.
Gaetz ka mohuar vazhdimisht këto akuza.
Top Channel
