“2024, viti më i keq në histori”, UNICEF ngre alarmin: 473 milionë fëmijë jetojnë në zona lufte 28/12 09:18
Bombardimet ruse në Ukrainë vranë katër persona, kjo pasi dy vendet shkëmbyen sulme me dronë.
Një sulm ukrainas me dron i vuri flakën një depoje karburanti rus, gjatë kësaj të shtune.
Dy persona humbën jetën në rajonin pjesërisht të pushtuar të Kherson-it në Ukrainë dhe dy të tjerë u plagosën në sulmin pranë kryeqytetit rajonal, tha guvernatori Oleksandr Prokudin.
Një sulm ukrainas me dron, thellë brenda rajonit rus të Rostov-it, goditi një depo karburanti në orët e para të ditës së shtunë, sulmi i fundit me rreze të gjatë veprimi nga Kievi në një rajon kufitar.
Muajt e fundit Ukraina ka shtuar sulmet ajrore brenda territorit rus, duke goditur rafineritë dhe terminalet e naftës, në përpjekje për të ngadalësuar makinerinë luftarake të Kremlinit.
Ushtria ruse po përpiqet të përparojë përgjatë vijës së frontit në pjesën lindore të Ukrainës, ndërsa mungesa e trupave dhe armatimeve e ka dobësuar mbrojtjen ukrainase.
Top Channel
