Dasma si në filma! Nusja dhe 2 mijë të ftuarit e prisnin në kishë, dhëndrit i vihen prangat bashkë me të ëmën (Detaje) 24/11 19:15
Një djalë dyvjeçar që është miqësuar me një tufë majmunësh të egër në një fshat në Indi, konsiderohet tashme si mishërim i Zotit nga vendasit e habitur.
Që kur ishte 2-vjeçar Samarth Bangari njihej si ‘Zoti i majmunëve’ në fshatin e tij prej lidhjes së fortë që kishte krijuar me kafshët primate, të cilët i vizitonte çdo ditë në tufën e tyre.
Prej vitit 2018, imazhe të adhurueshme të të voglit ishin shfaqur në rrjetet sociale, ku Samarth luante i pashqetësuar me tufën prej 20 majmunësh të species Vervet, në fshatin e Allapur, rreth 300 km larg Bangalore.
Fëmija dashamirës ndante ushqimin e tij me majmunët, të cilët e vizitonin në oborrin e shtëpisë e madje disa prej tyre hynin brenda për ta ‘takuar’.
Pasditeve kur kthehej nga shkolla Samarth gjithmonë merrte ushqimin në kuzhinë dhe shkonte t’ua shpërndante miqve të tij bisht-gjatë.
Miqësitë e veçanta të Samarth i dhanë atij një status unik teksa shumë e konsideronin si një “fëmijë i bekuar” ose dhe mishërim i Zotit.
Prindërit e tij Sunil, 44 vjeç, e Nanda Bangari, 41, thonë se fshatarët besonin se te fëmija ishte mishëruar Zoti Hanuman – që është hyjnia i majmunëve i fesë Hindu.
Nena shtëpiake Nanda, tha: “Ai luan me ta, i ushqen me ushqimin e shtëpisë. Majmunët e duan shumë madje dhe kur ai i tërheq bishtin ata nuk e lëndojnë”.
“Njerëzit në fshatin tonë janë të habitur nga lidhja e fortë e Samarth me majmunët dhe e kosnsiderojnë si një mishërim të zotit Hanuman, prej dashamirësisë që i tregojnë majmunët.”
“Ata kujdesen për të dhe nuk e lëndojnë kurrë. Kam besim te kafshët që kujdesen për tim bir që unë të bëj punët e shtëpisë”, thotë nëna e djalit të vogël.
Prindërit e Samarth thonë se miqesia e tij me kafshët nisi që kush ishte disa muajsh dhe majmunët i vidhnin ushqimin nga dora”.
Babai tij Sunil, punëtor fermer, thotë: “Fshati ynë Allapur ka shumë majmunë, dhe ata zakonisht janë miqësorë se ne u japim ushqim dhe i lejomë të sillen rreth shtëpive”, sipas rrjetit Daily Mail.
“Herën e parë kur një prej tyre i mori ushqimit birit të vogël, çuditërisht Samarth nuk nisi të qante por nisi të fliste me gjeste me majmunët. Prej asaj dita ata e vizitonin çdo ditë dhe ne jemi mësuar me prezencën e tyre”.
“Por është e mrekullueshme si është krijuar kjo lidhje e fortë dhe tani që ai është pesë vjeç”, thotë babai djalit ‘gjeni i kafshëve’.
Top Channel
