Dy të vdekur nga përplasja ‘horror’ e trenit të mallrave me trenin testues në Kili (fotot)

Katër nga personat e përfshirë ishin personel kinez i hekurudhave kilene, njoftonin autoritetet vendase.

Hekurudhat thanë se treni testues shtetëror që po lëvizte pa pasagjerë u përplas me trenin e mallrave të kompanisë private Pacific Railways, ndërsa nuk kishte ende shkaqe zyrtare për dështimin e drejtimit apo sinjalistikës.

“Me keqardhje njoftojmë vdekjen e dy punonjësve në trenin e mallrave,” tha kompania shtetërore duke shtuar se viktimat ishin drejtuesi i trenit dhe ndihmësi i tij.

Ndërsa nëntë të plagosurit, mes të cilëve kater kineze gjendeshin në trenin që po kryente testime shpejtësie para hyrjes në shërbim, sipas autoriteteve.

Treni testues ishte i ndërtuar nga kompania kineze CRRC Sifang, që sipas autoriteteve kishte fituar tenderin për “ringjalljen e transportit hekurudhor në Kili”.

Prokurori Pedro Aravena tha se “aksidenti ndodhi sepse treni i goditur, pra treni mallrave, po vinte nga jugu me ngarkesë dhe për arsye të paditura, treni i testimit nuk ishte njoftuar se treni i mallrave po vinte në ate drejtim”.

Drejtuesi i trenit të testimit që drejtonte operacionin, u arrestua sot për vrasje nga pakujdesia dhe plagosje të shumëfishtë.

Zyrtarët shtonin se personat në trenin e testimit kishin pikasur se do të përplaseshin dhe pa mundur të ndërhynin ishin zhvendosur në vagonin e fundit për t’ui shpëtuar vdekjes.

Ndërsa drejtuesit e trenit të mallrave nuk kishin kuptuar ardhjen e një tjetër treni dhe vuajtën forcën e plotë të përplasjes duke humbur jetën në vend.

Policia tha se një nga të plagosurit është në gjendje të rëndë, shkruan rrjeti AFP.

FOTO GALERI

2/3

Treni testues ishte i ndërtuar nga kompania kineze CRRC Sifang, që sipas autoriteteve kishte fituar tenderin për “ringjalljen e transportit hekurudhor në Kili”.

Top Channel