“VLEN” po deshqiptarizon institucionet! Akuza e deputetëve të opozitës në Shkup për koalicionin në qeverinë
23/11 15:19
Demokrati Luçiano Boçi i ftuar sot në Top Talk, foli për riorganizmin e PD, tashmë që vula i kaloi Sali Berishës.
“Strategjitë në politikë janë shumë të thjeshta, kanë të bëjnë me organizimin, vazhdimin e aksionit politik dhe krijimin e programit. Është thjeshtë organizim dhe zbritje ne terren, në bazën e grupseksioneve për t’i gjallëruar. Jemi marrë më shumë me veten tonë sesa me qytetarët, sesa me atë demokrat militant apo aktivist, që kërkon që partia e tij të jetë fituese”, tha ai.
Sa i përket thirrjes së Berishës për demokratët që nuk janë mbështetës së tij, duke deklaruar se dera është e hapur, Boçi u shpreh: Nuk shoh asnjë pengesë që njerëz që kanë votuar kundër Berishës, të vijnë dhe të marrin pjesë.
I pyetur për ndonjë lëvizje të brendshme që Berisha të drejtojë partinë, por të nxjerrë një ekip që nuk ka lidhje me non-grata për të qeverisur vendin, Boçi u shpreh se ajo që ndodh brenda në parti, nuk është shqetësim i qytetarëve.
“Pjesa e një partie, mënyra si funksionon dhe cili është roli i kryetarit, rregullohet në Statut. Mendimi i lirë në PD ekziston dhe mendimi i liderit pasurohet me kontributet e çdo pjese tjetër drejtuese. Mënyra si merren vendimet në PD nuk besoj se është shqetësim i qytetarëve. Unë habitem si hidhet për debat mënyra autoritare si drejtohet PD…”, deklaroi Boçi.
Top Channel
