Krah Ramës, Orban flet për çështje të rëndësishme! Nga Trump si president i SHBA te armëpushimi apo paketa për Ukrainën 07/11 19:25
Kërkesa e opozitës në Komisionin Hetimor të Koncesioneve në Shëndetësi për mos praninë e njërës prej anëtareve Milva Ekonomi, u rrëzua me 8 vota kundër.
Opozita kërkoi mos praninë e Milva Ekonomit në mbledhje gjatë pyetjes së audituesve të KLSH, pasi përbën konflikt interesi.
Deputetja Ina Zhupa theksoi se “një nga anëtaret e komisionit në pozicionin e vet si drejtoreshë e Fondit të Sigurimit të Detyrueshëm të Kujdesit Shëndetësor ka nënshkruar kontratë koncensionare me Saniservice për koncesionin e sterilizimit. Për sa kohë ne do të marrim në pyetje anëtarët e KLSH të cilët kanë audituar dhe i del emri në raport një nga anëtaret e komisionit, a duhet të qëndrojë anëtarja e komisionit dhe të marrë në pyetje ata që e kanë audituar në kohën që ka qenë drejtoreshë e fondit, pra a ka një konflikt interesi?”
Nga ana tjetër, Ekonomi tha se nuk është në konflikt interesi, pasi kontrata që ka nënshkruar si drejtoreshë e FSDKSH në vitin 2015 me një prej kompanive koncesionare “Saniservise”, ka qenë kontratë financiare.
Ekonomi tha se FSDKSH nuk harton kontrata dhe s’ka qenë në procesin e përzgjedhjes së kompanive dhe se në atë kohë nuk mbante mandatin e deputetes.
Komisioni Hetimor për Shërbimet Publike të Sterilizimit dhe Check-Up në shëndetësi, do të zhvillojë sot disa seanca dëgjimore, me përfaqësues të KLSH dhe përfaqësues të nismës “Thurje” këtë të enjte.
1. Ora 11:00 – Bexhet Zeqiri
2. Ora 12:00 – Brunilda Zenelaj
3. Ora 13:00 – Eduard Stafasani
4. Ora 14:00 – Melina Kabo
5. Ora 15:00 – Semiram Jakupi
Ora 16:00 Nisma “Thurje”
Endrit Shabani, Panajot Soko, Artan Koni.
Top Channel
