VIDEO/ Turi i bashkëbisedimeve me shqiptarët e Diasporës, Edi Rama ndan pamjet e sallës ku do zhvillohet takimi në Londër 23/11 22:56
Lajmi për fitoren e Fredi Belerit si kandidat për eurodeputet i partisë së kryeministrit Kyriakos Mitsotakis duket se ka mbërritur shpejt në Himarë.
Mbështetësit e tij kanë nisur festën duke hedhur fishekzjarrë në qendër të bashkisë, që ndonëse e fitoi një vit më parë, nuk mundi ta drejtojë për shkak se u dënua për shit-blerje votash në zgjedhjet e 14 majit të një viti më parë.
Vetë Fredi Beleri ka reaguar nga burgu, për votëbesimin e popullit grek, duke e cilësuar fitoren mbi errësirën.
“Forca e demokracisë mund të përmbysë çdo praktikë puçiste, mjafton që të ketë vullnet dhe besim në një qëllim më të lartë. Fituam një luftë për demokracinë, shtetin e së drejtës, liritë dhe dinjitetin e qytetarëve”, u shpreh Beleri.
Në qelitë e burgut shqiptar, Fredi Beleri po pret vendimin e Apelit të Gjykatës së Posaçme aty ku kërkon pafajësi. Por edhe nëse Apeli e rrëzon kërkesën e tij, eurodeputetit të Greqisë, tashmë i ka mbetur të vuajë më pak se 9 muaj burg.
Top Channel
