Selena Gomez ka kryer gjashtë muaj kurs të gjuhës spanjolle? Arsyeja do t’ju mahnisë 23/11 22:09
Diddy vazhdon të përballet me pasojat e videos që tregon atë duke sulmuar ish të dashurën e tij Cassie Ventura.
Reagimi ka qenë i ashpër nga publiku dhe sidomos nga sponsorat dhe bizneset në bashkëpunim me Diddy. Telashet për të nuk kanë fund pasi edhe Universiteti Howard ka marrë një vendim të rëndësishëm, në një deklaratë thuhej se:
“Bordi i Administratorëve të Universitetit Howard votoi njëzëri sot për të pranuar kthimin nga Sean Combs të gradës së nderit të dhënë atij në vitin 2014.”
Vendimi më tej thotë: Ky pranim revokon të gjitha nderimet dhe privilegjet që lidhen me diplomën. Prandaj, Bordi ka urdhëruar që emri i tij të hiqet nga të gjitha dokumentet që listojnë përfituesit e gradës së nderit të Universitetit Howard.
Universiteti Howard zbuloi se arsyeja pas këtij vendimi është video e Diddy-t e vitit 2016, e publikuar nga CNN, e cila tregon se ai sulmon fizikisht ish të dashurën Cassie Ventura. Deklarata mbyllej duke theksuar se:
“Sjellja e Combs, e filmuar në një video të publikuar së fundmi, është kaq e papajtueshme me vlerat dhe besimet thelbësore të Universitetit Howard, saqë ai nuk konsiderohet më i denjë për të mbajtur nderin më të lartë të institucionit. Universiteti është i palëkundur në kundërshtimin e tij ndaj të gjitha akteve të dhunës ndërpersonale.”
Sipas vendimit, Bordi gjithashtu do të shpërndajë programin e bursave në emër të tij dhe do të “kthejë kontributin e tij prej 1 milion dollarësh”./Tar
Top Channel
