Në fund të muajit maj, draft-statuti i Asociacionit të komunave me shumicë serbe shkon në Gjykatën Kushtetuese.
Në një letër që ministrja e jashtme Donika Gërvalla i ka dërguar Këshillit të Evropës tregon se draft statuti po përgatitet dhe do të dërgohet në Gjykatën Kushtetuese për interpretim në mënyrë që t’i hapet rrugë Kosovës për anëtarësim.
Futja e Kosovës në agjendën e Komitetit të Ministrave në takimin e 16 dhe 17 majit ishte kushtëzuar me dërgimin e draftit të statutit të Asociacionit të Komunave me shumicë serbe.
Kjo kërkesë kishte ardhur nga Franca dhe Gjermania.
“Në kuadër të procesit të anëtarësimit në Këshillin e Evropës, pas votës prej 82 % të Asamblesë Parlamentare të Këshillit të Evropës në favor të këtij anëtarësimi, në kuadër të zotimeve të marra nga tre krerët e shtetit, sot në mëngjes i kam dërguar një letër Presidentit të Asamblesë Parlamentare të Këshillit të Evropës.
Letra përmban zotimin që qeveria e Republikës së Kosovës do të përgatisë një draft për krijimin e një mekanizmi për vetmenaxhim, koordinim dhe bashkëpunim të komunave me shumicë serbe në Kosovë, i cili përmbush detyrimet e trashëguara ndërkombëtare të Kosovës, plotëson nevojat e qytetarëve të komunitetit serb të Republikës së Kosovës, por njëkohësisht respekton në tërësi dhe në secilin detaj të tij Kushtetutën dhe të gjitha ligjet e Republikës së Kosovës si dhe njëkohësisht edhe parimet e Këshillit të Evropës.
Një draft i tillë i shërben në njërën anë synimit të qeverisë për të integruar komunitetet joshumicë dhe zbatimit të ligjeve të Republikës së Kosovës në të gjitha komunat.Drafti siguron jo vetëm respektimin e plotë të Kushtetutës dhe ligjeve të Republikës së Kosovës, por në të njëjtën kohë pamundëson ndërhyrjet e palejueshme nga jashtë, si në komunat e Kosovës, ashtu edhe në të gjithë vendin.
Pas konkretizimit të sotëm të zotimit tonë për të bërë një hap të rëndësishëm dhe të prekshëm në përmbushjen e zotimeve tona, kërkojmë dhe presim nga Këshilli i Evropës që të përmbushë pjesën e vet të detyrimit dhe të ftojë Kosovën për t’iu bashkuar pa vonesë Këshillit të Evropës, si vendi të cilit jo vetëm që i janë vendosur më së shumti kushte për anëtarësim në këtë organizatë, por i cili i ka përmbushur të gjitha këto kushte.
Kosova e pavarur dhe sovrane, si shtet ligjor dhe demokratik, mbetet në kursin e saj të palëkundur drejt anëtarësimit në NATO dhe BE”, sipas Gërvallës.
Breakthrough 🇽🇰🇪🇺
“In this regard, the Government of Kosova is preparing a draft Statute on the Association of Serb Majority Municipalities (in the context of obligations envisaged in articles 7 and 10), inspired by the Friedrich Ebert Foundation, which will be submitted to the… pic.twitter.com/EOROLUsDSa
— Gerald Knaus (@rumeliobserver) May 16, 2024
Futja e Kosovës në agjendën e Komitetit të Ministrave në takimin e 16 dhe 17 majit ishte kushtëzuar me dërgimin e draftit të statutit të Asociacionit të Komunave me shumicë serbe. Kjo kërkesë kishte ardhur nga Franca dhe Gjermania.
Top Channel
