Aksident i rëndë në autostradën Durrës-Tiranë, makina me tre të rinj përfundon në kanal 24/11 22:37
Grupi i Dialogut në Komisionin e Ligjeve ka miratuar këtë të hënë planin e punës për Reformën Zgjedhore.
Në dokument përcaktohet se projektligji duhet të depozitohet në Kuvend jo më vonë se data 1 korrik 2024.
Në datën 18 prill parashikohet të diskutohet përmbajtja, hartimi dhe miratimi i listës së zgjedhësve dhe procesi i përgatitjes së listës së zgjedhësve.
Më 24 prill pritet të diskutohet regjistrimi i subjekteve zgjedhore, regjistrimi i kandidatëve, zona zgjedhore dhe numri i mandateve për çdo zonë. Gjithashtu dhe zbatimi i vendimeve të Gjykatës Kushtetuese nr. 31, datë 04.10.2021 dhe nr. 28, datë 30.06.2021.
Vota e emigrantëve shtetasve, administrimi dhe mënyra e votimit dhe numërimit për qytetarët që jetojnë jashtë territorit të vendit parashikohet të diskutohet më 30 prill.
Më 6 maj pritet të diskutohet: Kufizimet dhe/ose ndalimet e parashikuara për përdorimin e burimeve shtetërore në zgjedhje.
Më 15 maj parashikohet diskutimi i përgatitjes së institucioneve për zgjedhje, Komisioni Qendror i Zgjedhjeve; Komisionet e nivelit të parë të Administrimit të Zgjedhjeve; Komisionet e nivelit të dytë të Administrimit të Votimit.
Gjithashtu atë ditë pritet të diskutohet organizimi i infrastrukturës së zgjedhjeve; përgatitja e dokumentacionit zgjedhor dhe dërgimi i materialeve zgjedhore; Kushtet për administrimin e votimit dhe rezultati zgjedhor; Teknologjia në zgjedhje, pilotimi, garancite e votimit dhe te procesit të numërimit; Transparenca e veprimtarisë së KQZ-së dhe organeve te tjera.
Më 22 maj: Fushata zgjedhore, monitorimi i fushatës zgjedhore dhe fushata zgjedhore në media audiovizive dhe në mediat sociale, si dhe ndalimet përkatëse.
Financimi i zgjedhjeve dhe i fushatës zgjedhore:
– financimi i zgjedhjeve;
– financimi i subjekteve zgjedhore;
– financimi i kundërligjshëm i zgjedhjeve dhe financimi i fushatave zgjedhore nga burime te huaja. (22 maj 2024)
Më 27 maj: Ankimi administrativ, hetimi administrativ, sanksionet dhe ankimi gjyqësor.
Çështje të tjera për zgjedhjet perfshire sistemin zgjedhor, koalicionet parazgjedhore, përkthimi i drejtë i votës në mandate përfaqësimi, përfshirja apo jo e referendumeve si pjesë e Kodit Zgjedhor, si dhe forcimi dhe garantimi i lirise se votimit dhe ruajtjes së parimit të votës së fshehtë. (11 prill-30 qershor)
Grupi i Dialogut mund te vendosë me konsenus për diskutim edhe çështje të tjera që lidhen me zgjedhjet. (11 prill-30 qershor)
Hartimi i dispozitave sipas këtij Kalendari mund të kërkojë ndërhyrje legjislative në ligje të tjera si Kodi Penal, ligje te tjera, etj. (15 qershor- 01 korrik)
“Projektligji duhet të depozitohet në Kuvend jo më vonë se data 1 korrik 2024.
Grupi i Ekspertëve Teknikë harton tekstin e dispozitave të reja të projektligjit sipas Kalendarit dhe ia paraqet ato për diskutim dhe miratim Grupit të Dialogut. Në përfundim të mbledhjes së Grupit reflektohen në tekstin e dispozitave përkatëse amendamentet e dakortësuara.
Në vijim teksti i dispozitave të miratuara publikohet në faqen e internetit të Kuvendit dhe njëkohësisht ftohen të gjithë të interesuarit të paraqesin mendimet dhe sugjerimet e tyre ne emailin e Sekretarisë së Grupit. Një kopje elektronike i dërgohet elektronikisht edhe OJF-ve vendase për të paraqitur komentet dhe vërejtjet e tyre ne lidhje me to.
Teksti i dispozitave të miratuara i dërgohet për mendim edhe ODIHR dhe organizatave të tjera ndërkombëtarë për ekspertizë. Në mënyrë të veçantë në rast se në Grupin e Dialogut nuk ka dakortësi politike për një çështje apo dispozita të caktuara, Grupi në mënyrë konsensuale dhe kur e konsideron të arsyeshme, i drejtohet për mendim këshillimor ODIHR-it duke i paraqitur çështjen për të cilën nuk ka dakortësi politike dhe eventualisht çdo material apo koment të anëtarëve në lidhje me të.
Shkresat drejtuar ish-Komisionit të Posaçëm për Reformën Zgjedhore, projektligjet e administruara për shqyrtim në lidhje me Kodin Zgjedhor, procesverbalet e seancave dëgjimore dhe çdo material tjetër drejtuar ish-Komisionit të Posaçëm administrohen nga Grupi i Dialogut dhe do të shërbejnë për hartimin e dispozitave konkrete të ligjit të ri zgjedhor”, theksohet në dokument.
Kalendari i Punes te GRUPIT TE DIALOGUT FINAL date 15.04.2024
Top Channel
