Presidentin e Real Madrid e lënë nervat, sulmon Shqipërinë për “Topin e Artë. Ja si e “përgënjeshtron” Besnik Dizdari 24/11 21:11
Romelu Lukaku duket se nuk ka ndërmend të qëndrojë gjatë në Romë me skuadrën e Romës. Belgu ka oferta nga Premier League, Arabia apo Amerika, por ai nuk ka ndërmend t’i braktisë verdhekuqtë për asnjë nga destinacionet e sipërpërmendura.
Një mik i ngushtë i sulmuesit, zbulon së fundmi në një “podcast” se Lukaku vitin e ardhshëm do të rikthehet te Anderlecht, klubin me të cilin ka nisur karrierën. Sipas mikut të Lukakut, opsioni “Anderlecht”, do të fitonte edhe më shumë kuota nëse këtë vit ata fitonin titullin në Belgjikë e Lukaku do të kishte kështu mundësinë që sezonin e ardhshëm të luante në Champions League.
Madje, Anderlecht ka edhe lirshmërinë financiare për të paguar 37 milionë euro që do ta lironin Lukakun nga çdo detyrim ndaj Chelseat.
Një tjetër faktor që e shtyn Lukakun drejt Anderlecht është edhe rikthimi në shtëpi pas kaq shumë kohësh larg saj. Tashmë, mbetet për t’u parë se çfarë do të ndodhë me të ardhmen e 31-vjeçarit pasi zakonisht në çdo merkato, destinacioni i Lukakut shndërrohet në një telenovelë./ Super Sport
Top Channel
