Arbitri thith kokainë?! Brenda pak ditësh ndryshon jeta dhe karriera e gjyqtarit anglez 14/11 15:54
Brightoni i trajnerit italian, Roberto De Zerbi, praktikisht kanë mbyllur blerjen e tyre të parë për sezonin e ardhshëm.
Më pak se një javë para “gongut” të afatit kalimtar të dimrit, klubi i Premier League nisi një sulm ndaj talentit të fundit ganez që rritet në Nordsjaelland. Bëhet fjalë për anësorin e lindur në vitin 2004, Ibrahim Osman, autor i katër golave dhe pesë asistimeve në 29 ndeshje në kampionatin danez.
Një përforcim i rëndësishëm për Brighton, i cili ka siguruar një të ri me perspektivë. Siç raporton Fabrizio Romano (gazetar italian i specializuar për lëvizjet e futbollistëve), Brightoni dhe Nordsjaelland kanë arritur një marrëveshje mbi bazën e 19.5 milionë eurove si pjesë fikse plus 3 milionë bonuse. Marrëveshja parashikon që Nordsjaelland do të mbajë 10% të vlerës së kartonit në rast të rishitjes së futbollistit në të ardhmen. Ibrahim Osman mësohet se ka kaluar kontrollet mjekësore dhe do të nënshkruajë kontratë deri në vitin 2029.
I lindur në Ganë dhe i rritur te Right to Dream, një klub i lidhur me Nordsjaelland, në janar 2023 ai u transferua në Danimarkë. Këtë sezon ai ka shënuar 4 gola dhe ka dhënë 5 asistime në 29 ndeshje në kampionatin danez, Kupën Daneze dhe Ligën e Konferencës. Ibrahim Osman nuk është blerja e vetme me perspektivë e Brightonit. Së fundmi “Pulëbardhat” njoftuan nënshkrimin me Josh Robertson nga Sunderlandi, mesfushor sulmues 18-vjeçar, i cili ka firmosur për tre vjet e gjysmë.
Top Channel
